Күзгі аңшылық маусымының ашылуына орай, «Ертіс орманы» мемлекеттік орман табиғи резерватының мемлекеттік инспекторлары Павлодар облысы Орман шаруашылығы және жануарлар дүниесі аумақтық инспекциясымен бірлесіп рейдтік іс-шара өткізді.
Айта кету керек, Резерват — ерекше қорғалатын табиғи аумақ мәртебесіне ие. Осыған байланысты Шарбақты және Аққулы аудандарының Резерват аумағында аңшылықтың барлық түріне қатаң тыйым салынған.
Біздің мақсатымыз — табиғи байлықтарды сақтау, жануарлар дүниесін қорғау және заңсыз аңшылықтың алдын алу.
❗ Барша азаматтарды табиғатты құрметтеуге және қолданыстағы заң талаптарын сақтауға шақырамыз.
Қоршаған ортаны қорғау – ортақ міндет!
