«Таза Қазақстан» республикалық акциясы аясында МОТР РММ «Ертіс орманы» туризм және экологиялық ағарту бөлімі Шегірен ЖОББМ-нің «Жас орманшы» мектеп орманшылығы мүшелерімен бірлесіп, мектеп аумағында экологиялық іс-шара өткізді.
Алдымен қатысушылар үшін «Таза Қазақстан – болашақ кепілі» тақырыбында танымдық дәріс ұйымдастырылды. Дәріс барысында оқушылар резерваттың қызметі, оның табиғи байлығы және орман экожүйелерін сақтаудың маңыздылығы туралы білді. 📚
Одан кейін практикалық бөлім өтті — мектеп аумағын көгалдандыру жұмыстары жүргізілді. Қатысушылар алма ағаштарының көшеттерін отырғызды. Болашақта бұл ағаштар мектеп ауласының көркін арттырып қана қоймай, табиғатқа ұқыпты қараудың символына айналады. 🌳🍎
Мұндай бастамалар өскелең ұрпақтың экологиялық мәдениетін қалыптастырып, туған жерге деген сүйіспеншілігін және қоршаған ортаға жауапкершілігін арттырады.
#ТазаҚазақстан #ЕртісОрманы #ЖасОрманшы #Экология #Көгалдандыру
