Жаңалықтар
Жазда адамдар туыстарымен және достарымен бірге ашық ауада демалуға тырысады. Алайда, мұндай демалыс көптеген қауіптерге толы, әсіресе демалушылар отты пайдаланса. Орман өртін жағу-бір минуттық мәселе, бірақ оны сөндіру — ондаған, кейде жүздеген адамдар үшін ең қиын жұмыс.
Сіздің абайсыздығыңыз орман өртін тудырмауы үшін өте сақ болуға және өрт қауіпсіздігінің негізгі ережелерін сақтауға шақырамыз:
1. Ормандарда, шымтезек батпақтарында от жағуға болмайды;
2. Сөндірілмеген оттарды қалдырмаңыз;
3. Майланған немесе жанғыш сұйықтықтарға малынған қоқыстарды, сондай-ақ шыны бөтелкелер мен басқа қоқыстарды орманда қалдырмаңыз;
Өрт болған жағдайда не істеу керек:
1. Орман күзетіне 87056019680 немесе құтқарушыларға 101 немесе 112 нөміріне қоңырау шалыңыз;
2. Ауыз бен мұрынды кез келген дымқыл шүберекпен жабыңыз;
3. Өрттен басқа желге қарсы перпендикуляр жүріңіз.
Сондай-ақ, ұзақ уақыт бойы ыстық ауа-райы орнатылған кезде ормандарға баруға тыйым салынуы мүмкін екенін ұмытпаңыз. Ормандарға баруға тыйым салынған жерде болуға ТЫЙЫМ САЛЫНАДЫ. Сіз тек арнайы жабдықталған жерлерде демалуға тоқтай аласыз.
Құрметті азаматтар өрт қауіпсіздігі ережелерін сақтаңыз! Өзіңізге және айналаңыздағыларға зиян келтірмей қауіпсіз демалыңыз!
Өртке қарсы аншлагтар мен плакаттар – табиғатта абай болу қажеттілігі туралы еске салу құралы.
«Ертіс орманы» табиғи резерватының Шалдай және Бесқарағай филиалдарының аудандық және облыстық тас жолдар бойында, қарағайға кіре беріс жолдарда, демалыс аумақтарында орман өрттерінің және браконьерліктің алдын-алу, ақпараттық, туристтік маршуттарда жүріп-тұру ережелері тақырыптарында 100-ден астам аншлагтар орнатылған. Жыл сайын аншлагтар қалпына келтіріліп және жаңартылып тұрады.
Аншлагтарда орман өртін, табиғат заңнамасын бұзуды анықтаған жағдайларда хабарлау үшін байланыс нөмірлері көрсетілген.
Кездесу барысында Қазбек Әметов резерваттың атқарылып жатқан жұмыстарымен таныстырып, ауылды абаттандыру, қоқыс полигонын қоршауда көмек көрсету, сондай-ақ алдағы істердің бағыт-бағдарын айқындады.
Ақсақалдар кеңесінің мүшелері алдағы уақытта да табиғи резерват қызметіне өз үлестерін қосуға дайын екендерін, орманшылармен арнайы кездесулер ұйымдастырып, орман өсіру мен орман өрттерінің алдын-алуда өз тәжірибелерімен бөлісетіндерін жеткізді.
Өрт қауіпті кезеңде өрт қауіптілігін бағалау күн сайын метеорологиялық деректер негізінде есептеледі.
Өрт қаупінің 5 класы бар:
* 1 класс-ешқандай қауіп жоқ;
* 2 класс-шағын өрт қаупі;
* 3 класс-орташа өрт қаупі;
* 4 класс-жоғары өрт қаупі;
* 5 класс - төтенше өрт қаупі.
Отты абайсыз қолдану апатты салдарға әкелуі мүмкін екенін есте ұстаған жөн. Сіздің абайсыздығыңыз көптеген адамдардың өліміне, сондай-ақ орманның жойылуына әкелуі мүмкін. Сақ болыңыз! Табиғатты қорғаңыз!
Маңызды нөмірлер:
Орман күзеті:
8(7182) 78-77-32
8(71836)32-2-22
8(71836)32-2-72
87056019680
Жедел қызметтерді шақырудың бірыңғай нөмірлері -112, 101.
Резерват аңшылықтанушылары «Суда жүзетін және жабайы құстарға» аңшылық маусымның ашылуына байланысты ПБ қызметкерлерімен және аумақтық инспекция мамандарымен бірлескен рейдтік іс-шаралар өткізуде.
Естеріңізге сала кетейік, “Ертіс орманы” республикалық мемлекеттік орман табиғи резерватының аумағында аң аулаудың барлық түрлеріне тыйым салынған. Заңсыз аң аулағаны және табиғатқа орны толмас зиян келтіргені үшін азаматтар әкімшілік және қылмыстық жауапкершілік тартылады.
Бүгін Мемлекет басшысының Таза Қазақстан экологиялық акциясын өткізу тапсырмасын орындау, орманды сақтау және молықтыру идеясын қолдау мақсатында және «Парктер шеруі» экологиялық акциясының жоспарына сәйкес «Ертіс орманы» табиғи резерватында кәдімгі қарағай көшеттері отырғызылды.
Акция, Шалдай ауылдық округінің әкімдігімен, Шалдай жалпы орта білім беру мектебімен, Авиа бөлімшемен, Медициналық әлеуметтік мекемесімен, Ауылдық кітапханамен, Мәдениет үйімен, елді мекен тұрғындарымен қолдау тапты.
Акцияға қатысушылар Тайбағар орманшылығында 2000 дана жас қарағай көшеттерін отырғызды.
Акцияға барлығы 100 адам қатысты.
Осындай шара азаматтарды табиғатты аялауға, ормандарды қалпына келтіру және сақтау, сондай-ақ елді мекендер айналасын бірлесіп көгалдандыруда маңызды рөл атқарады.
#ТАЗА ҚАЗАҚСТАН
#БЕРЕКЕЛІ ӨЛКЕ
Мемлекет басшысы Қасым-Жомарт Тоқаевтың тапсырмасына сәйкес бастау алған«Таза Қазақстан» республикалық экологиялық акциясы аясында және Парктер шеруі-2024 табиғатты қорғау акциясының жоспарына сәйкес мектеп орманшылықтар акциясыға белсенді қатысуда.
«Берекелі өлке» атауымен өтіп жатқан акция аясында жас орманшылар мектеп ауласымен саябақтарда тазалық жұмыстарын жүргізуде.
Табиғат – күллі тіршілік атаулысының құтты қоныс мекені, алтын ұя, тал бесігі. Барша адамзат өкіліне ауа, су, жер ортақ сондықтан жердің қадірін байлығын бағалай білу, жалпы табиғатты қорғау баршамыздың міндетіміз екенін ұмытпайық!
2024 жылғы Орман дақылдарын көктемгі отырғызу кезінде "Ертіс орманы" резерватының аумағында көшеттердің өмір сүруінің жоғары көрсеткіштерін зерделеу мақсатында "ВермиТех-Плюс" және "Гидрогель" биогумустерді қолдана отырып, Бесқарағай филиалы Тайбағар орманшылығында 1 га алаңда, сондай-ақ Шалдай филиалының Сейтен орманшылығында 1 га алаңда уақытша сынақ алаңдары салынды.
Биогумус құрамында қажетті қоректік заттар мен микроэлементтер, ферменттер, топырақ микроорганизмдері, дәрумендер бар, олар орман дақылдарының өмір сүруіне оң әсер етеді.
Биогумус пен гидрогельді енгізудің әсерін зерттеудің келесі кезеңі орман дақылдарын күзгі түгендеу осы эксперименттің нәтижелері алынатын болады.
Табиғатқа адамгершілікпен және ұқыптылықпен қарауды үйрету, экологиялық сана мен қоршаған ортаның жай-күйі үшін жауапкершілікті бала кезінен тәрбиелеу керек.
Сондықтан туризм бөлімінің мамандары жас ұрпақтың бойында экологиялық мәдениет дағдыларын, белсенді өмірлік ұстанымын қалыптастыруға бағытталған көптеген экологиялық акцияларды жоспарлады.
Осындай акциялардың бірі "Біз табиғатты қорғаушылармыз!».
Балаларға өрт қауіпсіздігі туралы әңгіме жүргізілді, одан әрі көшелерде «қоқысқа тастамаңыз, қоршаған ортаны ластамаңыз» деген үндеулермен оқушылар ауыл көшелеріне шығып, дүкен аралап, көліктерді тоқтатып, табиғатты қорғау тақырыбына арналған парақшалар таратты.