Жаңалықтар
Ағымдағы жылдың 14 маусымында табиғи резерваттың бас директоры, орынбасарлары және "Республикалық орман селекциялық-тұқым өсіру орталығы" РМҚК Семей құрылымдық бөлімшесі мамандарымен отырыс өтті. Отырыс барысында табиғи резерваттың екі филиалында орманның аса қауіпті зиянкесіне қарсы химиялық өңдеу жүргізу бойынша іс-шаралар барысы талқыланды.
«Ертіс орманы» табиғи резерваты 16.06 бастап. 20.06.2022 күндері аралығында "Ертіс орманы" МОТР РММ аумағында орманның аса қауіпті зиянкесі жұдызшалы тоқығыш – егеуішке қарсы химиялық өңдеу жүргізілетінін естерңізге салады. Осыған байланысты, тұрғындардан орманға келуді шектеуді, сондай-ақ мал бағуды, орман қоры аумағында Ара ұяларын ұстайтын омарташыларға бал араларының ұшуын шектеуді және орманға келуді барынша шектеу бойынша барлық қажетті шараларды қабылдауды сұраймыз.
Табиғи резерваттың Шалдай және Бесқарағай филиалдарының тұқымбақтарында күзгі және көктемгі кезеңде себілген қарағай тұқымдары енді өз жемісін беруде. Орман екпелерінің қанық жасыл түсі жақсы өсіп келе жатқанның белгісі. Қарағай көшеттерінің өнімділігін жақсарту үшін уақытыл күтіп баптау жұмыстарды қажет етеді. Осыған орай табиғи резерваттың тұқымбақтарында 2021-2022 жылы күзде 4,4 га, көктемде 4,2 га аумақта егілген қарағай екпелеріне күтім жасау жұмыстары, соның ішінде арамшөптерден тазалау қарқынды жүргізілуде.
Резерваттың «Өз өлкеңді таны» және «Ғабдұл Уахит Хазірет» туристтік маршруттарына Шарбақты және Аққулы аудандарының мектеп оқушыларына оқу танымдық экскурсия өткізілді. Негізгі мақсаты балалардың танымдық қызығушылығын дамыту, туған өлке табиғаты туралы білімдерін бекіту. Балалардың ой-өрісін өсімдік және жануарлар әлемі туралы білімдермен байыту, жолда және орманда қауіпсіз жүріс-тұрыс ережелерін сақтауға үйрету.
"Ертіс орманы" МОТР РММ қызметкерлері аумақтық инспекция мамандарымен бірлесіп 2409 га алаңда орман дақылдарын техникалық қабылдауды жүргізуге кірісті.
«Туған өлкенің орманын сақтаңыздар» акциясы өткізілді.
Орман өрті – үлкен апат,ол орманға ғана емес, қоршаған ортаға да үлкен зиян келтіреді. Ауыл тұрғындарын, келген қонақтар мен демалушыларды, мектеп оқушыларын Табиғат ана сыйлаған асыл мұра – орманымызды сақтауға шақыру іс-шаралары өткізілді. Іс-шаралар барысында орманды қорғайық атты буклеттер, ақпараттық қағаздар таратылды.
Денесінің ұзындығы 3 м-ге дейін, құйрығының ұзындығы 12-13 см, салмағы 360-600 кг. Сыртқы түрі бойынша бұлан басқа бұғылардан айтарлықтай ерекшеленеді. Денесі мен мойыны қысқа, алқымы биік, өркеш тәрізді.
"Ертіс орманы" МОТР РММ қызметкерлері резерват аумағындағы туристтік маршруттарды абаттандыру жұмыстарын жүргізуде. "Ертегіде қонақта" туристік маршрутында ақпараттық аншлагтар жаңартылды, күркелер (беседкалар), қарау алаңдары, сахна жөнделді, ойын алаңындағы әткеншектер сырланды.
Құрметті жерлестер!"Ертіс орманы" МОТР РММ ауа температурасының +35° градусқа көтерілуіне және желдің күшеюіне, резерват аумағында өрт қауіптілігінің жоғарғы V класына байланысты орманға бармауды және орман ішінде от жақпауды сұрайды. Орманды өрттен сақтау – әрбір азаматтың парызы.